Претстојниот iPhone 15 Ultra ја разбранува ИТ индустријата, а има бројни гласини и информации за новиот телефон, вклучувајќи ја и неговата можна цена.

Според влијателниот инсајдер LeaksApplePro, iPhone 15 Ultra ќе има почетна цена од дури 1.299 долари. Ова претставува значително зголемување во однос на сегашниот iPhone 14 Pro Max, кој има почетна цена од 1.099 долари.

Ваквото зголемување би претставувало најголемо зголемување на цената во историјата на генерацијата на iPhone и ќе биде шок за многу корисници на популарниот бренд на телефони.

Кога станува збор за причината за ваквото големо поскапување, од LeaksApplePro објаснуваат дека на тоа ќе влијае зголемувањето на трошоците за производство и инфлацијата, како и потребата да се задржи продажната цена.

Дополнително, се очекува iPhone 15 Ultra да пристигне со голем број нови подобрувања и функции, вклучително и поквалитетни материјали како титаниум. Претходните гласини сугерираа дека Ultra ќе биде нов член на линијата iPhone и дека нема да има основен модел на iPhone 15.

Според протечените информации, iPhone 15 Ultra ќе има 256 GB простор за складирање податоци (двојно повеќе од сегашниот модел). Исто така, се очекуваат две предни камери и USB-C приклучок со Thunderbolt 4 брзини кои ќе го заменат Lightning портот.

Останува да се види како останатите модели од iPhone 15 ќе бидат позиционирани на пазарот според цената, но можно е повисоката цена на iPhone 15 Ultra да има придружен ефект и на остатокот од линијата.