Засега речиси сигурно е дека само годинашните Pro модели во рамките на iPhone 13 линијата ќе имаат 120Hz LTPO OLED панели, додека стандардните модели ќе имаат 60Hz екрани.
Причината е тоа што само Samsung може да произведува LTPO екрани, а јужнокорејската компанија нема капацитети да произведе доволна количина од овие дисплеи за да ги задоволи сите потреби на Apple.
Меѓутоа, LG очекува да ја зајакне својата технологија и капацитети и би можел да почне да ги произведува споменатите панели до следната година. Според јужнокорејскиот медиум The Elec, LG може да ги исполни барањата на Apple за iPhone 14 линијата.
LG веќе е во преговори со компанијата Avaco, која обезбедува опрема за производство на LTPO панели, а ја чека и лиценцата на Apple за својата производна линија. Потоа, Avaco ќе може да почне со испорака на опрема во производствените капацитети на LG.
Доколку се биде според планот, LG би требало да може да ги поддржи iPhone 14 моделите, а можеби дури и да му конкурира на Samsung во овој сегмент на пазарот.