Откако минатиот месец се појави во Кина, Red Magic 6R смартфонот на компанијата Nubia пристигнува и на останатите пазари.
Се работи за уред кој го покренува Snapdragon 888 процесорот на Qualcomm, а кој доби 6,67-инчен AMOLED екран со фреквенција на освежување од 144Hz. Одзади е сместена главна камера од 64 MP, додека уредот го напојува батерија од 4.200 mAh која поддржува 30W полнење. Смартфонот го користи оперативниот систем Android 11 со Redmagic 4.0 интерфејс.
Што се однесува до европскиот пазар, Red Magic 6R ќе биде достапен во Австрија, Белгија, Бугарија, Литванија, Хрватска, Луксембург, Кипар, Чешка, Холандија, Данска, Полска, Естонија, Португалија, Финска, Романија, Франција, Словачка, Германија, Словенија, Грција, Шпанија, Шведска, Ирска, Унгарија , Италија, Латвија, Малта и Велика Британија.
Купувачите ќе можат да бираат помеѓу две верзии. Моделот со 8 GB RAM и 128 GB интерна меморија ќе чини 499 евра, додека за моделот со 12 GB RAM и 256 GB простор за складирање ќе биде потребно да се издвојат 599 евра.