Со новата Galaxy S10 серија телефони, Samsung веќе овозможува Bixby копчето да се подеси и ремапира по желба на корисникот. Можно е да се подеси гласовниот асистент да се активира со двоен притисок, а доделената апликација со еден притисок и обратно. Копчето, исто така, може да служи за извршување на брзи команди.
Со оглед на тоа дека се работи за софтверска функција, постоеше можност јужнокорејската компанија да ја донесе и на своите постари уреди. Сега е објавено дека и постарите Galaxy модели ќе ја добијат опцијата за ремапирање на Bixby копчето.
https://twitter.com/dcseifert/status/1101101572187189248?ref_src=twsrc%5Etfw%7Ctwcamp%5Etweetembed%7Ctwterm%5E1101101572187189248&ref_url=https%3A%2F%2Fwww.theverge.com%2F2019%2F2%2F28%2F18244691%2Fsamsung-bixby-button-remapping-update-galaxy-s8-s9-plus-note-8-9
Samsung објави надградба за Bixby апликацијата, кое им овозможува на корисниците да го ремапираат Bixby копчето на Galaxy Note9, Galaxy Note8, Galaxy S9/S9+ и Galaxy S8/S8+ моделите.
Откако ажурирањето ќе се инсталира од Galaxy Store, потребно е да се отиде во Advanced секцијата во Settings апликацијата. Тука ќе бидат понудени две опции – можно е да се подеси стартување на екстерната апликација преку еден или двоен протисок на копчето. Опцијата која нема да се избере ќе продолжи да го стартува Bixby Home. Долгото притискање секогаш ќе го повикува Bixby Voice.