Некои популарни мрежи се одлучија за потези кои многумина нема да ги дочекаат со ентузијазам.

Имено, се чини дека големите социјални мрежи би можеле бесплатно да почнат да ги наплаќаат услугите кои нивните корисници до сега ги користеле бесплатно.

Сајтот Komando издвои што се би можело да се наплаќа и на кои мрежи.

Twitter

Откако Илон Маск ја презеде компанијата, Твитер објави дека ќе го промени својот план за претплата за сини ознаки. Синиот знак за проверка што означува дека сметката е потврдена доживеа фијаско бидејќи луѓето имитираат познати брендови и познати личности, вклучувајќи го и самиот Маск.

Ако сега аплицирате за син знак, нема да можете веднаш да го добиете. Вашиот профил прво ќе треба да исполни одредени барања.

Значи, што друго доаѓа со претплата на Твитер? Корисниците ќе можат да уредуваат твитови, односно ќе имаат 30 минути да ги уредуваат објавените твитови. Корисниците ќе имаат и приспособени икони и може да ја менуваат темата за нивната апликација со избирање од списокот на достапни теми.

Има некои други придобивки како што се можноста за објавување подолги видео клипови, подолги твитови, поништување твитови итн.

Што е со цената? Корисниците на апликации ќе плаќаат повеќе во споредба со оние што ја користат веб-верзијата. Blue Tick на Twitter за iOS и Android чини 11 долари месечно или 114,99 долари годишно и 8 долари месечно или 84 долари годишно за веб.

Meta

Марк Цукерберг, сопственикот на Мета (Фејсбук, Инстаграм), минатиот месец најави дека ќе почнат да наплаќаат за синиот знак за корисниците на овие социјални мрежи.

Корисниците ќе имаат некои други бенефиции, како што се специјални налепници и ѕвезди кои ќе можат да ги испратат до нивните омилени креатори на содржина на платформата. Видливоста исто така ќе биде зголемена, што значи дека повеќе луѓе ќе ги гледаат нивните објави и коментари.

Мета ветува дека проактивното следење на сметката ќе го заштити корисникот од измама. Една од најголемите предности е што претплатниците ќе имаат директна поддршка бидејќи во спротивно е доста тешко да стапите во контакт со Мета (на пример кога вашиот профил е хакиран).

Колку ќе чини? Така наречената Meta Verified ќе се наплаќа 11,99 долари месечно за веб верзијата (само за Facebook) или 14,99 долари месечно за апликацијата на iOS и Android, пренесува N1.