Компанијата Samsung Electronics постави нов рекорд кога станува збор за пренос на податоци преку мрежата 5G mmWave.
Тестовите беа спроведени во партнерство со компанијата NBN Co., која е дел од инвестицискиот план вреден 750 милиони австралиски долари. NBN користи различни софтверски подобрувања за да го извлече најдоброто од 5G мрежата.
За време на теренското тестирање, уредот достигна просечна брзина на преземање од 1,75 Gbps и просечна брзина на прикачување од 61,5 Mbps. Максималната брзина на преземање беше 2,7 Gbps и беше постигната на растојание од 10 километри од изворот, што е особено импресивно.
Samsung и NBN тврдат дека новото достигнување е важен чекор во развојот на 5G мрежата не само во густите урбани области, туку и во руралните области.
Успешните тестови покажуваат дека 5G мрежата има огромен потенцијал во иднина.