Се очекува Apple да ја одржи својата презентација на iPhone 14 во средината на септември, под претпоставка дека нема одложувања.
Откако Apple забележа рекордни резултати во однос на заработката во март оваа година, се верува дека постои само теоретска можност за ризик дека линијата на iPhone за 2022 година ќе биде малку одложена. На ова може да влијае моменталната ситуација со коронавирусот во Кина, кој ги загрозува синџирите на снабдување.
Генерално, пандемијата не е на исто ниво како во претходните години и повеќето земји ги укинуваат мерките. Тоа е една од причините зошто се појавуваат информации дека производството на нови модели на iPhone би можело да започне порано, како и дека Apple работи напорно за да спречи какво било одложување на излегувањето на серијата iPhone 14.
Наводно, Apple му дал инструкции на Foxconn, најголемиот снабдувач на делови и компанијата што го склопува iPhone, да започне со собирање работници порано за претстојните нарачки на iPhone 14. Foxconn треба да го зголеми производството и да го искористи зголемениот интерес за линијата iPhone 13.
Ако се оди според планот, Apple би требало да го одржи својот следен голем настан за iPhone во средината на септември, додека серијата iPhone 14 би била пуштена во продажба неколку недели подоцна.