Apple го освојува светот на компјутерите со своите дебитантски чипови во Mac компјутерите, земајќи го она што го научи од развојот на чиповите од А серијата на iPhone и iPad и донесувајќи ја таа архитектура на лаптопите и десктоп компјутери.
The Information објави дека Apple нема намера да забави и има планови за уште побрзи чипови од втората и третата генерација во следните години.
M1, M1 Pro и M1 Max се произведени со 5 нанометарски процес. Во извештајот се вели дека Apple ќе продолжи со втората генерација на Apple чипови во 2022 година, користејќи надграден надградениот пет нанометарски процес. Затоа, придобивките од перформансите и ефикасноста во споредба со М1 генерацијата ќе бидат релативно мали. Apple планира барем некои од овие чипови да имаат две матрици, со што ќе се удвојат перформансите кај машините, кои можат да сместат поголеми чипови како што се десктоп Mac компјутерите.
Што е најважно, се вели дека Apple и нивните партнери од TSMC планираат да произведат 3 нанометарски чипови за Mac пред 2023 година. Тие би можеле да содржат дури четири матрици, со вкупно до 40 јадра по чип. Наводно, трите верзии на чипот од третата генерација се со кодни имиња „Ibiza“, „Lobos“ i „Palma“.
Мапата сугерира дека Apple ќе продолжи „лесно да ги надминува идните процесори на Intel за потрошувачките компјутери“, се вели во извештајот.
Се очекува дека iPhone ќе се пресели на 3 нанометарски чипови во 2023 година, задржувајќи го водството на Apple во силиконските перформанси на пазарот на паметни телефони.
Краткорочно, може да се очекува Mac Pro на Apple да има најмалку две матрици, кои во суштина сочинувајќи го dual-M1 Max дизајнот. Марк Гурман од Bloomberg претходно истакна дека премиум чипот на Apple ќе има четири матрици.
MacBook Air за 2022 година ќе го има првиот чип од втората генерација на Apple.