Компанијата Microsoft соопшти кога конечно ќе го испрати Internet Explorer во пензија.
Помина многу време, а Microsoft конечно најави кога ќе го повлече својот легендарен веб-прелистувач Internet Explorer. Компанијата ќе ја повлече IE11 верзијата за компјутери на 15. јуни, 2022. година на поголем дел од верзиите на Windows 10.
Internet Explorer е дел од Windows оперативниот систем повеќе од четврт век. Меѓутоа, од претставувањето на Edge во 2015. година, Microsoft полека го укина стариот прелистувач. Поддршката е завршена со претходната верзија во 2016. година. Microsoft 365 и другите апликации ќе престанат да го поддржуваат Internet Explorer 11 на 17. август.
Microsoft ги повика корисниците кои се уште го користат IE11 да преминат на Edge (или некој друг прелистувач), пред да заврши поддршката следниот јуни. Edge има вграден Internet Explorer режим за веб локации на кои и натаму им е потребен IE. Многу организации и натаму користат стари апликации и веб локации, кои всушност не работат со модерните прелистувачи, така што овој режим ќе биде корисен. Microsoft вели дека ќе го поддржува IE режимот на Edge до крајот на 2029. година, пружајќи им на организациите и ИТ одделенијата уште неколку години да преминат од тие стари веб апликации.