Кинеските власти размислуваат да го ограничат пристапот на странските корисници до нивните најнапредни модели на вештачка интелигенција (AI).
Меѓу нив се и модели кои сè уште не се јавно објавени, бидејќи Пекинг се стреми да ја заштити стратешката важност на домашните AI технологии, објави Ројтерс.
Според извештаите, кинеските власти сè повеќе ги сметаат напредните AI модели како стратешки ресурс од национално значење, особено во контекст на интензивна технолошка конкуренција со Соединетите Американски Држави.
Меѓу предлозите е можноста неовластеното споделување или извоз на напредни модели да се третира како прашање на национална безбедност.
Дискусиите, исто така, вклучуваат можност за понатамошно заострување на правилата за странско финансирање на кинеските AI компании, како и построга контрола на прекуграничните деловни аранжмани што вклучуваат напредни технологии.
Конечна одлука сè уште не е донесена, а изворите велат дека сите ограничувања првенствено би можеле да се однесуваат на идните генерации на AI модели, објави Ројтерс.