Apple го претстави својот освежен модел на iPad mini, кој за првпат во оваа линија на производи воведува OLED дисплеј.
Покрај очекуваното подобрување на екранот, Apple го опреми новиот модел со својот најнов чип, Apple A20 Pro – а тука има едно „но“.
Верзиите со 128 GB и 256 GB простор за складирање доаѓаат со „ослабена“ верзија на процесорот која има пет јадра, за разлика од шесте јадра кај моделот со 512 GB. Според спецификациите, моделите со помал капацитет имаат едно јадро за ефикасност помалку и половина од моќноста на NPU (невронски процесор). Сите други спецификации се идентични.
Новиот mini модел поседува 8,5-инчен Super Retina XDR OLED дисплеј со резолуција од 2.316 x 1.512 пиксели и стапка на освежување од 60 Hz. Вреди да се напомене дека Apple и понатаму не ја вклучува ProMotion (120 Hz) технологијата во својот најмал iPad.
Новиот панел има потенки рамки, максимална осветленост до 1.200 нити, како и опција за стакло со „нано-текстура“ за намалување на отсјајот. Уредот поддржува Apple Pencil Pro и стандардниот Apple Pencil (USB-C), а вклучува и предна камера од 12 MP со функција „Center Stage“, поставена долж подолгиот (хоризонтален) раб.
Apple has officially unveiled its NEW iPad mini with some BIG hardware changes!
The latest model features a larger 8.5-inch OLED display, 24% thinner bezels and Apple’s new A20 Pro chipset.
Here’s what’s new:
– **8.5-inch OLED display** with higher brightness and contrast
– **A20 Pro chipset** with up to 60% faster multi-threaded performance, 4.5x faster AI performance and 2.7x faster graphics
– **5.4mm thin design**, making it 14% thinner and 13% lighter
– **IP67 water and dust resistance**
– **New Acoustic Display technology**, eliminating traditional speaker cutouts
– **12MP front and rear cameras**, with 4K 60fps video recording on the rear
– **Apple N1 wireless chip** and C2 modem on cellular models
– **Apple Pencil Pro support** and iPadOS 27Apple is also offering an optional nano-texture display for an additional $100.
Pricing starts at **$699 for Wi-Fi** and **$849 for cellular**, with 128GB to 512GB storage options. for USA, and in the UK its £699 for Wi-Fi & £849 for cellular.
Pre-orders begin October 28, with availability starting November 6.
What do you think of Apple’s new iPad mini?
— Andy Bowyer (@TTTechnologyuk) October 27, 2026
Уште поинтересно е тоа што Apple ги преместил двата звучници под самиот дисплеј, користејќи систем познат како „акустичен дисплеј“ (Acoustic Display). Според достапните информации, овој систем овозможува посилни басови и поголема гласност. Конфигурацијата вклучува и специјални високотонци „скриени“ помеѓу стаклото и алуминиумското куќиште, дизајнирани да обезбедат почисти високи тонови.
iPad mini (2026) е дебел само 5,4 мм и тежи 255 грама, за разлика од неговиот претходник, кој имаше дебелина од 6,3 мм и тежина од 297 грама. Новиот модел располага со подобрено Wi-Fi 7 (802.11be) поврзување, додека верзијата со мобилна мрежа поддржува и 5G (sub-6 GHz) преку eSIM технологија и модемот C2 на Apple. Apple исто така го истакнува IP67 стандардот за отпорност на вода и прашина.
Дополнително, новиот „mini“ модел содржи батерија од 18,9 Wh која се полни преку USB-C приклучок. Од Apple наведуваат дека со користење на полнач од 35 W (или со поголема моќност), уредот може да се наполни до 50% за 30 минути. Приклучокот исто така поддржува брзини на пренос на податоци во согласност со стандардот USB 3 (до 10 Gb/s).
iPad mini (2026) е достапен во боите Midnight (темносина/црна) и Starlight (златно-сребрена).
Цените започнуваат од 699 $ / 749 € за моделот со 128 GB и само Wi-Fi поврзување. Моделот со 256 GB чини 799 $ / 879 €, додека моделот со 512 GB чини 999 $ / 1.129 €.
Преднарачките започнаа на 28 октомври, а првите испораки се закажани за 6 ноември.