Развојот на играта Physint ќе продолжи под покровителство на студио во рамките на Microsoft.
Компанијата Sony објави дека ја прекинува соработката со студиото за развој на игри Kojima Productions на проектот Physint, иако не ја наведе причината за тоа, пренесе веб-страницата Meduza.
Директорот на студиото, јапонскиот гејм-дизајнер Хидео Коџима, изјави дека кон средината на јуни неочекувано добил известување од Sony за откажување на проектот, но оттогаш пронашол нов партнер.
Според него, развојот на Physint ќе продолжи во партнерство со Xbox Game Studios – оддел на Microsoft и директен конкурент на Sony.
Во официјалното соопштение, студиото истакна дека тимот на Xbox ја разбира и ја споделува „храбрата креативна визија на авторот“.
Physint беше најавена на почетокот на 2024 година како голем и значаен проект што содржи елементи и од шпионскиот и од акциониот жанр.