Воведувањето на Kirin 9000s чипови со 5G поддршка за Huawei Mate 60 Pro ги збуни сите, вклучително и американската влада, со оглед на тоа што производителот SMIC заостанува светлосни години зад конкуренцијата.

Сепак, неодамнешниот извештај на инсајдерот RGcloudS на Твитер сугерира дека SMIC можеби немал никаква врска со чиповите Kirin 9000s.

Кога американската влада првпат му забрани на Huawei да работи со американски компании, тоа сериозно влијаеше на бизнисот на компанијата бидејќи не можеше да набави чипови од Samsung или TSMC. На крајот, тие можеа да купат чипови од Qualcomm, но сепак го пренасочија фокусот на соработка со компанијата SMIC.

Меѓутоа, кога Huawei го претстави 7nm Kirin 9000s, технолошкиот свет остана зачуден бидејќи има поддршка за 5G, што значи две работи: или SMIC ги прекрши американските санкции или, како што тврди RGcloudS, за новиот чип Huawei треба да се заблагодари на компанијата TSMC.

Овој инсајдер објави слики кои сугерираат дека Kirin 9000s е произведен во 35-тата недела од 2020 година, што сугерира дека Kirin 9000s е всушност ребрендирана верзија на 5nm чипот Kirin 9000, кој првично беше произведен од TSMC.

Ако ова е вистина, тоа ќе ги доведе во прашање претходните тврдења дека чипот Kirin 9000s не е 7nm, туку дека ја има застарената 14nm технологија на SMIC. Меѓутоа, важно е да се забележи дека RGcloudS не обезбедува никакви докази за ова тврдење.