Американскиот претприемач и милијардер Илон Маск верува дека Кина е заинтересирана за кооперативна меѓународна рамка за вештачка интелигенција од разговорите што ги имаше кога ја посети Кина пред неколку недели.
Маск го објави ова на настан на „Твитер спејс“ со двајца американски конгресмени, демократот Ро Кана и републиканецот Мајк Галагер.
„Кина, дефинитивно, е заинтересирана да работи во меѓународна кооперативна рамка за регулирање на вештачката интелигенција“, рече Маск.
Тој додаде дека се залага за регулирање и надзор на вештачката интелигенција, вклучително и на неговите состаноци во Кина.
Пред неколку недели Маск отпатува во Кина, каде што неговата компанија за електрични автомобили „Тесла“ има фабрика во Шангај, и се сретна со министрите за надворешни работи, трговија и индустрија на Кина во Пекинг.