Со Windows 11, Мајкрософт планира да го промени начинот на кој работи функцијата што постои со децении.
Копчето Print Screen или „Prt Sc“ е на тастатурите уште од постоењето на десктоп компјутерите, а уште во 1980-тите испраќаше работи од вашиот екран на физички печатач за да се печатат додека испушта силен шум.
Меѓутоа, со доаѓањето на оперативниот систем Windows 95, функционалноста се промени и ова стана screenshot алатка за снимање на целиот екранот на Clipboard, која потоа можете да ја „залепите“ во апликацијата за да ја уредите или зачувате.
Доаѓаме до 2023 година, ерата на Windows 10 и 11, а функционалноста на Print Screen останува иста. Таа е непроменета со децении до сега.
Како што е забележано од Windows Latest, осврнувајќи се на верзијата на Windows 11 достапна во бета каналот, Microsoft го менува стандардното однесување на копчето Print Screen за да го интегрира во Windows Snipping Tool.
За оние кои можеби не се задоволни со промената, ќе има опција да го оневозможат ова и да го вратат копчето Print Screen на неговата оригинална функција „креирај скриншот од екранот“.
Snipping Tool е една од подобрите карактеристики на Windows 11, бидејќи ви овозможува да изберете што сакате да снимите, било да е тоа целиот прозорец или мал дел од вашиот тековен екран преку едноставен интерфејс.
Тоа исто така значи дека ќе добиете визуелно известување, бидејќи иако копчето Print Screen го снима вашиот екран, во моментов нема индикации или повратни информации што ќе ве известат дека го прави тоа. Ова го прави ажурирањето полесно за корисникот, за функцијата која е дел од Windows уште од верзијата на Windows 95.