Samsung на 14. јануари ќе организира виртуелен Galaxy Unpacked 2021 настан, во текот на кој ќе ја претстави најновата Galaxy S21 серија смартфони. Samsung India го најавува овој настан со интересен тизер.

Овој GIF тизер укажува на функцијата за далечинско зумирање за Galaxy S21 Ultra моделот. Ултра верзијата на телефонот ќе нуди два телефото зум објективи со 10х и 3х оптичко зумирање.

Подвижната слика пристигнува во виолетова боја, која ќе биде и една од новите варијанти на бои за Galaxy S21 и S21+, како и позадина за новите официјални wallpaper позадини.

Веќе знаеме дека Galaxy S21 Ultra ќе има поддршка за S-Pen паметното пенкало. Досега веќе ги дознавме речиси детали за претстојните модели од Galaxy S21 серијата, вклучувајќи ги и нивните потенцијални цени за Европа, а сето ова ќе биде потврдено во текот на Galaxy Unpacked 2021 кон средината на јануари.