Откако ја претстави премиум серијата Galaxy S23, Samsung сега ќе се сврти кон презентација на телефони од сегментот на средната класа. Пред се, овде мислиме на Samsung Galaxy A54 и Samsung Galaxy A34. Сега дознаваме повеќе детали за вториот.

SnoopyTech е еден дојавувач кој е доста сигурен кога станува збор за производите на Samsung. Тој сега откри дека Samsung Galaxy A34 ќе биде достапен во четири бои – Awesome Silver, Awesome Violet, Awesome Lime и Awesome Graphite.

Тој исто така додава дека телефонот ќе пристигне со две мемориски конфигурации – 6/128GB и 6/256GB.

Дојавувачот наведува и дека Galaxy A34 ќе има 6,6-инчен екран. Веројатно се работи за AMOLED екран со брзина на освежување од 90 Hz. Тоа е отстапување од претходните извештаи кои сугерираа дека телефонот ќе има дисплеј од 60 Hz.

Рендерите, кои се појавија неодамна, открија дека Galaxy A34 има три камери на задната страна, а сличен дизајн се очекува да го сподели целата серија Galaxy A следната година. Главниот сензор наводно ќе биде 48MP f/1.8. Покрај него, ќе има и ултра широк сензор од 8MP f/2.2, макро сензор од 5MP f/2.4. Телефонот наводно ќе биде опремен со батерија од 5000 mAh, со поддршка за брзо полнење од 15 W.

Друга интересна информација за овој телефон е дека би можел да пристигне со две верзии на чипсетот. Така, Geekbench откри дека телефонот се напојува со процесор MediaTek, а според параметрите откриени на Geekbench, најверојатно станува збор за чип Dimensity 1080.

За жал, во моментов не се знае со кој чип ќе пристигне телефонот во втората верзија, но се претпоставува дека ќе биде Snapdragon чип од средна класа.