Apple ќе претстави нови модели на iPhone во втората половина од оваа година, а сега се појави информација дека iPhone 15 и iPhone 15 Plus ќе добијат камера од 48 MP.

Ова е главната камера која беше дел од iPhone 14 Pro и iProne 14 Pro Max од 2022 година, што треба да го наследат iPhone 15 и iPhone 15 Plus во септември оваа година.

Тоа ќе биде значајна промена за следниот iPhone, особено ако се земе предвид колку се мали разликите помеѓу iPhone 13 и iPhone 14 бидејќи и двете генерации имаат суштински ист хардвер за камера со некои софтверски подобрувања за поновиот модел. Сепак, не треба да се очекува телефото камера и LiDAR сензор во случај на „поевтини“ iPhone-и. Аналитичарот Џеф Пу ги поткрепува своите тврдења со информации што ги добил од синџирот на снабдување близок до ова прашање.

Главната камера од 48 MP што ја користат iPhone 14 Pro и iPhone 48 Pro Max е голема новина во светот на камерите од уредите на Apple, но сигурно ќе стане потпора за идните модели на iPhone и ќе претрпи бројни подобрувања и промени со текот на времето.

Во стандардниот режим на фотографирање, iPhone 14 Pro и Pro Max користат quad-binning технологија за фотографии од 12 MP, што во теорија би требало да значи многу подобра чувствителност на светлина и динамика. Корисникот може да направи и RAW фотографија до 48 MP, што му дава многу простор за обработка и уредување.

Пу, исто така, потврди дека iPhone се префрла од Lightning port на USB-C, што се бара со новиот закон на ЕУ.

Што се однесува до iPhone 15 Pro и iPhone 15 Ultra, се очекува титаниумска рамка наместо рамка од нерѓосувачки челик без копчиња за физичка јачина и вклучување. Ќе има перископска камера од 12 MP (6x) на задната страна, а уредот ќе се напојува со процесорот A17 Bionic на Apple, изграден на 3nm технологија.

Исто како и iPhone 15 Pro и 15 Pro Max, iPhone 15 и 15 Plus се очекуваат во септември оваа година, но со A16 Bionic процесор кој моментално ги напојува iPhone 14 Pro и Pro Max, додека iPhone 15 Pro и iPhone 15 Ultra ќе го добие A17 Bionic процесорот изграден на подобрената 3nm технологија на TSMC позната како N3E, која носи подобрени перформанси и ефикасност.

Се очекува Apple да ги претстави новите модели на iPhone на 13 септември, а продажбата да започне десет дена подоцна.