Според извештаите, Apple е „сериозно“ загрижен за резултатите што ги забележа iPhone 14 Plus на пазарот.
Поради неочекувано лошите резултати што ги забележа телефонот од 6,7 инчи, Apple размислува за начини да ја обликува претстојната линија iPhone 15 која ќе биде пуштена на пазарот оваа година.
iPhone 14 Plus го претставува најновиот член на линијата iPhone, заменувајќи го 5,4-инчниот iPhone mini. Телефонот го има истиот дизајн, камери и перформанси како стандардниот iPhone 14, но со поголем дисплеј и батерија.
Според упатените, Apple планира да ја преиспита стратегијата со која ќе ги третира моделите на iPhone кои имаат или немаат ознака „pro“ во своето име, кога станува збор за серијата iPhone 15.
Една стратегија вклучува намалување на цената на моделот Plus во линијата, која ќе започне од 899 долари (според синџирот на снабдување и извори од индустријата). Друга стратегија вклучува понатамошна диференцијација помеѓу моделите со и без „про“ во името, а тоа претходно го спомена и аналитичарот Мингчи Куо.
Од објавувањето на серијата iPhone 15 не дели скоро една година, па сè уште е рано да се зборува за конечната стратегија што Apple планира да ја спроведе.
Некои знаци покажуваат дека Apple планира да ја обедини целата линија на iPhone, така што Dynamic Island би можел да стане дел од сите модели на iPhone 15.