Иако Microsoft е посветен на Windows 11, а поддршката за Windows 10 се планира да заврши во октомври 2025 година, не е чудно што некои корисници не се заинтересирани за најновиот оперативен систем.
Со други зборови, иако миграцијата од Windows 10 на Windows 11 е во тек, процесот се одвива побавно од очекуваното. Тоа го докажува најновото истражување на аналитичката компанија StatCounter.
Кога станува збор за сите оперативни системи, Windows продолжува да доминира и е прв избор на корисници ширум светот, со пазарен удел од 75,96 проценти. Следи macOS (OS X) со 15,7 отсто и Linux со 2,6 отсто пазарен удел.
Кога станува збор за верзиите на Windows, Windows 10 останува на врвот во текот на октомври со пазарен удел од 71,26 проценти. Ова не е изненадување, бидејќи Microsoft со години ги повикува корисниците да го надградат Windows 10 од постарите верзии на Windows, па сега повеќето компјутери го користат овој оперативен систем.
Windows 11, од друга страна, доаѓа со барања за надградба на системот, така што не сите уреди се подобни за новиот оперативен систем. Така, само 15,45 уреди со Windows користат Windows 11 верзија, според статистиката на StatCounter за октомври.
Интересно е што помалку од 10 проценти од компјутерите со Windows ја користат верзијата на Windows 7, која од јануари 2020 година повеќе не добива ажурирања.