Хеликоптер Ingenuity кој извршува мисии за американската вселенска агенција НАСА го заврши својот 24-ти лет.
Ingenuity повторно полета на почетокот на април, но тоа беше само краток „скок“ заради репозиционирање. Тој помина 69,5 секунди во лет и мина 47 метри на висина од 10 метри. Сепак, овој лет беше важен бидејќи хеликоптерот ја смени позицијата за да излезе од регионот Сеитах од кратерот Езеро на пат кон делтата на праисториската река. На таа локација хеликоптерот ќе „соработува“ со роверот Perseverance на НАСА, кој бара знаци на живот и собира примероци.
Хеликоптерот од 10 март се движи низ регионот Сеитах, што е опасно за малите хеликоптери, најмногу поради карпите и теренот полн со дини. Овие пречки може да предизвикаат превртување на хеликоптерот за време на слетувањето. Од друга страна, роверот Perseverance користи поинаков пат за да го избегне нерамниот терен на Марс.
Првите три лета низ регионот Сеитах поминаа без проблеми, но тимот на Ingenuity се соочи со тешка одлука за последниот дел од патувањето. Имаше три опции и секоја имаше свои предизвици. На крајот, беше избран план кој вклучуваше „мал скок“, но кој го стави Ingenuity во поволна позиција за последниот лет од Сеитах.
Сепак, најновиот план за лет бараше полетување 30 минути порано од вообичаеното. Поради фактот што хеликоптерот ги користи своите батерии ноќе за да се загрее, тој се „буди“ со малку исцрпена батерија која се полни со изгрејсонце наутро. Претходното полетување значеше дека Ingenuity имаше помалку време за полнење пред летот, што го зголеми ризикот.
Но, хеликоптерот покажа способност да лета и порано од вообичаено, па сега се подготвува да го напушти регионот Сеитах и веќе добил инструкции за летот.
Инаку, Ingenuiti ги надмина сите очекувања откако пристигна на Марс за да го истражи. Својот прв лет на Црвената планета го направи на 19 април 2021 година, а претходно летал 23 пати, прелетувајќи вкупно 5,17 километри.