Xiaomi Mi 6 сè уште е познат како еден од најпопуларните телефони Xiaomi, што покажуваат и резултатите од истражувањето спроведено од основачот на компанијата Леи Јун.
Кинескиот производител Xiaomi го лансираше првиот паметен телефон во август 2011 година. Оттогаш, тие претставија голем број модели, од кои еден, според истражувањето спроведено од основачот на компанијата Леи Јун, е најпопуларниот Xiaomi Mi 6 кој излезе пред пет години.
Така, телефонот на Xiaomi лансиран во 2017 година, ги „помина“ сите нови и значително подобри модели според спецификациите и можностите. Ова е првиот предводник на Xiaomi кој на корисниците им обезбеди двојна задна камера, но и последен што има екран со резолуција 16:9 со дебели рамки на горниот и долниот дел, што го прави многу незаборавен дизајн.
Компанијата поради некоја причина реши наследникот на овој популарен телефон да го нарече „Mi 8“ наместо „Mi 7“, но без разлика на тоа, овој телефон не достигна ни приближно голема популарност како неговиот претходник. Според Gizmochina, причина за тоа би можел да биде дизајнот без рамка со имплементација на засеци, кои не биле толку преферирани од тогашните корисници.
Во секој случај, Mi 6 беше лесен, тенок и компактен уред со екран од 5,1 инчи, кој многумина и денес со задоволство го паметат. Минатата година беше објавено дека овој „старец“ има уште два милиони активни корисници, а Jун го смести меѓу неговите три омилени телефони на сите времиња.
Xiaomi исто така планираше да објави модернизирана верзија на телефонот Mi 6 во 2020 година, но и покрај бројните „гласини“, проектот никогаш не се реализираше.