Технолошкиот гигант Facebook, неодамна преименуван во Meta е „најлошата компанија“ во светот за 2021. Ова е утврдено по гласањето на повеќе од 1.500 корисници на отворена анкета на Јаху Фајненс (Yahoo Finance).

Корпорацијата на Марк Цукерберг доби над 50 отсто од гласовите за најлоша компанија во годината, а на второ место е кинескиот гигант на електронска трговија Алибаба.

Добивањето на придавката „најлоша“ за Facebook најмногу се должи на тоа што корисниците на таа социјална мрежа се жалат на цензура и проблемот со дезинформациите, посебно во однос на коронавирусот. Дел од корисниците ја критикуваа компанијата за „поткопување на глобалната демократија и придонес за растот промоција на крајнодесничарскиот екстремизам“. Многумина од целиот свет ја обвинуваат апликацијата за споделување фотографии на страниците на Instagram, кои според одредени истражувања, имаат штетно дејство врз менталното здравје на младите луѓе.

Сепак, речиси 30 отсто од испитаниците веруваат дека Facebook/Meta сè уште може да се спаси. Корисниците наведуваат дека најдобар начин за тоа е фирмата да ги признае грешките, јавно да се извини и да донира значителен дел од профитот на некоја фондација која се бори против онлајн насилство врз малолетници.