Една од областите каде Samsung заостанува зад другите Android производители е брзото полнење. Додека ОЕМ како Xiaomi веќе го комерцијализира брзото полнење од 120W, најновите и најдобри водечки модели на Samsung сè уште поддржуваат само 25W. Сепак, постојат гласини дека ова конечно може да се промени со Galaxy S22 серијата. Новиот извештај сугерира дека јужнокорејскиот гигант ќе ја освежи својата линија на полначи.

Според WinFuture, Samsung планира да лансира два нови брзи полначи. Првиот е Samsung Power Adapter Trio (EP-T6530), додека вториот е наречен Samsung 45W US Type-C адаптер за напојување (EP-T4510).

Power Adapter Trio има три порта, што им овозможува на корисниците да полнат три уреди истовремено. Од трите, два се USB Type C приклучоци, додека третиот е USB-A. Првиот Type-C порт нуди максимална излезна моќност од 65W, додека вториот и третиот влез имаат максимална моќност од 25 и 15W.

Претпоставуваме дека опцијата од 65W е за Samsung Chromebook и Windows лаптопите, бидејќи ниту еден од телефоните на Samsung на пазарот моментно не поддржува брзо полнење од 65W, а во исто време немаме докази дека претстојната Galaxy S22 серија ќе поддржува брзо полнење со таква моќ.

Во однос нс адаптерот за напојување EP-T4510, тој ќе нуди моќност до 45W и има USB Type-C приклучок. Полначот од 45W е веројатно за претстојните водечки модели на Samsung и е поврзан со гласините дека Galaxy S22 Ultra ќе поддржува брзо полнење до 45W. Имајте на ум дека Samsung престана да го испорачува полначот со своите топ модели на повеќето пазари. Дури и ако новиот полнач од 45 W е за Galaxy S22 уредите, Samsung најверојатно нема да го понуди со смартфоните во кутијата.

Додека Galaxy S20 Ultra и Galaxy Note 10+ всушност поддржуваа полнење од 45W, Samsung ги уназади и ги намали брзините на полнење на следните модели – Galaxy S21 Ultra и Galaxy Note 20 – кои достигнаа 25 W.