Откако еднократните пораките што исчезнуваат ги претставија Messenger и Instagram, Facebook ја лансираше истата опција и на WhatsApp. Оваа функција овозможува споделување фотографии и видеа што може да се прегледаат само еднаш пред да исчезнат.
Од денес, бета-тестерите со Android почнаа да добиваат режим на „еднократен преглед“ кој брише фотографии и видеа веднаш штом ќе ги прегледате.
За да знаете дали имате пристап до новата функција, проверете дали имате специјално копче што изгледа како тајмер во полето за внесување опис, велат експертите од WABetaInfo.
Овие пораки се разликуваат од пораките „што исчезнуваат“ на WhatsApp, кои се бришат во рок од седум дена – фотографиите и видеата испратени во режим „единечен приказ“ се само за една употреба и исчезнуваат откако ќе ги затворите. Ќе добиете известување откако вашата порака ќе биде прегледана.
И покрај понатамошните подобрувања на приватноста, постојат некои необичности за кои треба да бидете свесни пред да започнете со користење на новата опција. Како што е наведено од WABetaInfo, оневозможувањето на опцијата seen нема да спречи другите да бидат известени доколку сте отвориле еднократна порака. Во групи, ќе можете да видите кога членовите отвориле еднократни пораки, дури и ако сте исклучиле „seen“.
Сепак, ништо не ги спречува луѓето со скриншот да ги зачувуваат вашите пораки, без вие да дознаете. Исто така, еднократниот преглед работи ако испратите порака до некој што сè уште нема пристап до функцијата. Оние што користат iOS, наводно покасно ќе ја добијат новата функција.
Facebook го најави воведувањето на оваа функција во јуни, за време на ажурирањето на политиката за приватност на WhatsApp. Технолошкиот гигант беше принуден да го одложи воведувањето на новите правила до средината на мај од почетокот на февруари, по протестите за пристап до дополнителни кориснички податоци.
Компанијата подоцна се откажа од одлуката да ги ограничи функциите на WhatsApp за оние кои не ги прифатија промените.
Извор: Klix.ba