Android корисниците треба веднаш да ги проверат своите телефони дали некоја од овие апликации спакувани во малициозен софтвер е инсталирана на нивните уреди.

Овие корисници повторно се соочуваат со сериозна закана бидејќи хакерите користат нова техника што имитира популарни апликации во обид да ги измамат корисниците да ги инсталираат на нивните телефони, и со тоа да добијат пристап до лични информации, вклучително и банкарски детали и приватни пораки.

Најновиот напад, откриен од тим на Bitdefender, покажува дека хакерите се потпираат на нови методи за да се обидат да добијат пристап до уредите и сите лични податоци што ги чуваме на нив. СМС-пораките, па дури и деталите за сметките во банка биле испраќани директно до криминалците, без жртвите воопшто да забележат дека нападот се случил. Откако Play Store на Google стана многу побезбедна, на интернет-крадците им е сè потешко да внесат малициозен софтвер на овој исклучително популарен пазар.

Наместо тоа, тие создаваат лажни апликации надвор од официјалната дигитална Play Store на Google, ветувајќи им на корисниците антивирусен софтвер, пристап до бесплатни ТВ услуги и многу повеќе.

Штом апликациите ќе се преземат и инсталираат, тие изгледаат како услуги на официјална апликација и тешко дека корисникот ќе забележи дека нешто не е во ред, додека не биде предоцна.

Меѓу апликациите на кои треба да внимавате се:

  • Uplift: Health and Wellness App
  • BookReader
  • PlutoTV
  • Kaspersky: Free Antivirus
  • VLC MediaPlayer

За разлика од iOS на Apple, Google им дозволува на сопствениците на паметни телефони и таблети со Android да одобруваат преземања надвор од сопствената продавница за апликации. Иако ова им овозможува на корисниците поголема контрола над сопствените уреди – тоа исто така ги прави уредите ранливи.

Откако ќе бидат измамени да ги инсталираат, корисниците потоа се мета на нов вид на вирус наречен Teabot кој има можност да пренесува сè во живо на екранот, директно до сајбер измамниците.

Ова значи лична СМС-порака со партнер, проверка на апликацијата за мобилно банкарство и, се разбира, деталите за картичката кога купувате преку Интернет може да се гледаат и крадат. Bitdefender вели дека идентификувал чуден метод за дистрибуција за нов напад со измамници кои користат лажен блокатор на реклами, кој делува како активирач на малициозен софтвер. Официјалните верзии на овие апликации, на кои не влијае овој малициозен софтвер, се преземени над 50 милиони пати и се чини дека хакерите ја користат големата популарност на овие апликации во обид да останат незабележани. Ако мислите дека имате некоја од лажните апликации наведени погоре на вашиот телефон, треба веднаш да ги избришете.

Извор: B92.net