Samsung Galaxy Note20 ќе има рамен дисплеј, според наводите на доверливиот дојавувач Ice Universe. Ова ќе биде прв Note модел во последните пет години, кој доаѓа со рамен екрам, а претходно оваа карактеристика ја имаше Galaxy Note5.
Сите Note модели потоа имаа закривени дисплеи. Недолго потоа и Galaxy S серијата премина на заоблени екрани (ова претходно беше резервирано само за Edge моделите). Samsung во последно време почна да ја менува оваа стратегија, па така Galaxy S10e и S10 Lite имаат рамни екрани, како и Note10 Lite.
Од друга страна, се очекува дека Galaxy Note20+ ќе има закривен екран. Galaxy Note20 линијата ќе биде претставена во август, заедно со Galaxy Fold 2 моделот.