Не само Кинезите, туку и Samsung имаше прилично необични имиња на производи низ годините. Кој може да ги заборави уредите наречени Galaxy SII Epic 4G Touch или Galaxy SII Skyrocket HD, а во поново време Galaxy S20 FE 5G UV. Наскоро на листата ќе биде додадено уште едно малку збунувачко име – Galaxy Tab S7+ Lite.
Роланд Квант, дојавувач со одлични информации, објави на Twitter дека таблетот наречен Galaxy Tab S7 Lite всушност ќе се вика Galaxy Tab S7+ Lite. Макс Ј, уште еден дојавувач со одлични дојави, го потврди ова.
Според претходните протечени информации за овој производ, ќе го има дизајнот и карактеристиките на Galaxy Tab S7, кој беше објавен кон крајот на 2020 година, но овој пат со малку послаби спецификации. По големината ќе биде сличен на поголемиот Galaxy Tab S7+, па оттука и името. Ова има смисла врз основа на претходното брендирање на Samsung, посебно кога се знае дека претстојниот Tab A7 Lite ќе ја пополни празнината што би ја создал S7 Lite.
Кога би можел да дебитира овој нов таблет? Претставување со Galaxy Z Fold 3 / Z Flip 3 е можно, но изгледа дека е поверојатно дека овој таблет уред ќе биде објавен малку порано.