Realme ја претстави својата Realme 8 серија телефони, која се состои од моделите Realme 8 и Realme 8 Pro.
Realme 8 Pro
Realme 8 Pro е помоќен од два уреда и пристигнува со 6,4-инчен Full HD+ (1080 x 2400p) екран Super AMOLED екран и 90,8% screen-to-body однос. Дисплејот поддржува осветленост од 1000 нита и брзина на освежување од 60Hz.
Телефонот го покренува Qualcomm Snapdragon 720G, заедно Adreno 618 графички процесор. Интересно е дека истиот чипсет беше користен и на неговиот претходник. Има до 8 GB LPDDR4x RAM меморија и до 128GB UFS 2.1 простор за складирање, што може да се прошири преку microSD слот.
Во полето на камерите, Realme 8 Pro има 108MP главен сензор (Samsung ISOCELL HM2, f / 1.88). Тука е и ултраширокиот сензор од 8MP со 119° FoV, како и 2MP макро и 2MP монохроматски сензор. Од предната страна се наоѓа 16MP селфи камера, со Sony IMX471 сензор.
Опциите за конекција на телефонот вклучуваат dual-band Wi-Fi, 4G, Bluetooth v5.0, GPS, 3.5 мм приклучок и USB Type-C порт. Батеријата од 4500mAh поддржува 50W SuperDart Charge технологија за брзо полнење, а во пакетот пристигнува 65W полнач.
Realme 8
Стандардниот Realme 8 има 60Hz Super AMOLED екран од 6,4 инчи, со 1080p+ резолуција и осветленост од 1000 нита. Чипсетот е Helio G95, а Realme го подобри ладењето за 14 проценти со премин на бакарен систем за спроводливост на топлина.
Realme 8 има 64MP главен сензор, 8MP ултраширока камера и два дополнителни модула (2MP макро и 2MP монохромен).
Батеријата е со капацитет од 5000mAh и има поддршка за брзо полнење преку Dart полнач од 30W. Основниот модел на Realme 8 има 4GB RAM меморија, а достапни се и опции од 6GB и 8GB. AMOLED екранот овозможува сензорот за отпечатоци да се смести под дисплејот.
На индискиот пазар, каде што беше претставена серијата, Realme 8 Pro има цени од околу 250 и 275 долари за 6GB + 128GB и 8GB + 128GB варијантите. Realme 8 има цена од околу 210, 220 и 235 долари за 4GB+128GB, 6GB+128GB и 8GB+128 GB моделите.