Последното што го слушнавме за плановите на Microsoft за Surface уредите е дека Surface Pro 8 и Surface Laptop 4 ќе бидат објавени во јануари, меѓутоа, го добивме само Surface Pro 7+ моделот. Сега Windows Central сугерира дека Surface Laptop 4 ќе пристигне во април.
Повторно, Surface Laptop 4 ќе има избор на процесор помеѓу AMD и Intel моделите. Intel варијантата ќе ја користи 11. генерација на Tiger Lake чипови, што значи дека графичкиот процесор ќе биде Iris Xe. Во извештајот не се споменува дали Microsoft ќе користи Ryzen 4000 или 5000.
AMD и Intel варијантите на лаптопот ќе бидат достапни во големини од 13,5 и 15 инчи. Извештајот сугерира дека не се очекуваат големи промени на дизајнот, а ќе биде отфрлена Cobalt Blue бојата, наместо која пристигнува Ice Blue.
Microsoft Surface Laptop 4 се очекува да биде претставен кон средината на април, во текот на виртуелен настан.