По објавените рендери, на почетокот на оваа недела се појавија нови информации за Samsung Galaxy Chromebook 2 моделот, вклучувајќи детали за цената.

Маркетиншкиот слајд, кој го објави дојавувачот WalkingCat, сугерира дека лаптопот ќе има 13,3-инчен QLED екран со DCI-P3 покриеност на бои, а ќе го покренува Intel Core i3 процесор од 10. генерација, додека батеријата ќе нуди околу 12 часа работа.

Само за споредба, првиот Galaxy Chromebook имаше 4K AMOLED дисплеј и 14nm Intel i5 процесор од 10. генерација. Токму оваа комбинација на компоненти беше главниот виновник што Galaxy Chromebook имаше многу лош работен век на батеријата.

Покрај тоа, WalkingCat истакнува дека Galaxy Chromebook 2 ќе чини 699 долари, а ценовниот ранг укажува на модел од понизок сегмент. Тоа би го направило Galaxy Chromebook 2 значително подостапен од неговиот претходник, кој чинеше 999 долари.

Слајдот сугерира дека Samsung ќе го објави Galaxy Chromebook 2 во текот на февруари.