Кон средината на февруари оваа година Google прво почна со тестирање на Android 11 оперативниот систем со програмерите и оттогаш компанијата објави голем број build верзии. Сега Android 11 стана официјално достапен, но не е ексклузивен само за Pixel телефоните. Уредите на компаниите OnePlus, Xiaomi, Oppo и Realme исто така ќе го добијат ажурирањето.
Сепак, Google имплементираше некои функции што прво ќе бидат достапни на Pixel моделите. Можно е да се користи Live View со Location Sharing во Maps. На овој начин корисниците можат да знаат каде се наоѓаат нивните пријатели и можат да се сретнуваат без потреба за испраќање на адреса. Тука е и новиот Smart Reply на Pixel тастатурата. Pixel уредите ќе можат да формираат и сугестии за апликации врз основа на периодот од денот.
Покрај наведеното, Android 11 има голем број нови функции за сите корисници. Ажурирањето на оперативниот систем имплементира облачиња за пораките (слично на Facebook Chat Heads), а тука се и известувањата за разговори. Присутни се и нови контроли за медиа фајловите, како контроли за приватност.
Android 11 има нова функција на снимање на екранот, додека менито за копчето за вклучување во целост е преработено (прикажува smart home уреди, опции на плаќање и друго).
Заедно со Pixel 2, Pixel 3, Pixel 3a, Pixel 4 и Pixel 4a серијата уреди, Android 11 beta ќе ја добијат и следните модели:
- OnePlus 8, OnePlus 8 Pro
- Oppo Find X2, X2 Pro, Reno 3, Reno 3 Pro
- Realme X50 Pro
- Xiaomi Mi 10, Mi 10 Pro