Microsoft ги објави и Surface Headphones 2, Surface Dock 2, како и своите мали безжични слушалки Surface Earbuds.
Microsoft на својот официјален блог ги објави најновите верзии на своите Surface Book и Surface Go уреди. Компактниот Go претставува побитна надградба за Surface семејството, со оглед на тоа дека оригиналниот модел беше многу добро прифатен.
Целта на оригиналниот Surface Go модел беше во тоа да биде подостапен дел од Surface линијата, заедно со преносниот формат. Неговиот наследник Go 2, го задржува преносниот формат, но големината на екранот ја зголемува од 10 на 10,5 инчи. Процесорот е надграден на осмата генерација на Intel, a ажурирање добија и микрофонот и предната камера. Тука се и новите апликации за Surface Pen. Surface Go 2 ќе биде достапен од 12. мај, по цена од 399 долари.
Surface Book 3 воглавно доби надградба на интерниот хардвер. Сега е тука Intel процесор од 10. генерација, 32GB RAM и подобрена графичка картичка. Батеријата нуди до 17,5 часа работа со едно полнење. Лаптопот ќе биде достапен од 21. мај, по цена од 1599 долари.
Покрај овие два уреда, Microsoft ги објави и Surface Headphones 2, Surface Dock 2, како и своите мали безжични слушалки Surface Earbuds.
