Веќе знаеме дека Microsoft работи на Surface Pro лаптоп со Qualcomm чипсет, кој сега и официјално е претставен. Лаптопот го носи името Surface Pro X, а го покренува прилгоден Microsoft SQ1, кој е најнов Qualcomm чипсет прилагоден за PC уреди. Чипсетот е споредлив со Intel Core i5 процесор.

Новиот Surface Pro X има рамки кои се потенки од било што досега сме го виделе на Surface моделите. Тастатурата е и натаму закачена со магнети за долната рамка, додека Surface Pen е сместен во долната рамка, која се полни безжично. Екранот од 13 инчи има резолуција 2880 x 1920 пиксели, со 267 ppi.

Иако многумина очекуваа Snapdragon 8cx чипсет во рамките на лаптопот, Surface Pro X всушност пристигна со Microsoft SQ1 прилагоден процесор. Во прашање е 7w чипсет, кој муди три пати подобри перформанси по ват во однос на Surface Pro 6, кој имаше 15W чип.

Секако, ARM PC и овојпат е окарактеризиран со подобрен работек век на батеријата, преносливост и подобрена конекција. Тука е и поддршката за 4G LTE Advanced. Surface Pro X лаптопот е достапен во претпродажба, а на пазарот пристигнува на 5. ноември, по почетна цена од 999 долари.

На медиумскиот настан на Microsoft, меѓу претставените производи се најде и Surface Pro 7 хибридниот 2-во-1 уред. Уредот изгледа како поранешните Surface Pro модели и вкупно гледано, останува во склад со она што го нудеше линијата во минатото.

Surface Pro 7 го покренува Intel Core процесор од десеттата генерација, 10 нанометарскиот Ice Lake CPU. Лаптопот има до 1TB простор за складирање и 16GB RAM. Сплејот има иста резолуција и однос на страници како претходно, односно 2736 x 1824 пиксели, 3:2 однос на страници и 267 ppi.

Кога е во прашање дизајнот, воглавно се е исто како кај претходните Surface Pro модели, со истите дебели рамки околу екранот и рамни рабови. Кога е во прашање конекцијата, DisplayPort конекторот е заменет со USB Type-C порт, а тука се и Surface Connect порт, USB Type-A порт и слот за microSD картичка. Тука е и поддршката за Wi-Fi 6.

Surface Pro 7 ќе биде достапен од 22. октомври, по почетна цена од 749 долари.