Microsoft само што ги објави некои од најбитните и најинтересни функции во OneDrive за Android и iOS. Главната карактеристика веројатно е Camera Upload, која ќе биде достапна за Android, како и MyAnalytics подобрувањата за Android и iOS верзијата на апликацијата.
По ажурирањето, MyAnalytics добива нов бројач и контекстуално мени за индивидуални фајлови. Овие додатоци се наменети за тоа да се олесни, на прв поглед да се гледа се што е битно. Покрај ова, самиот сервис претрпе некои измени за прегледот да биде попрецизен и да се поклопува со аналитиката за OneDrive на веб.
Android корисниците го добиваат Camera Upload, што досега им беше достапен само на бета тестерите. Кога функцијата ќе се овозможи, корисникот ќе може автоматски да ги закачи сите фотографии од Camera Roll на уредот на селектираниот налог OneDrive for Business.
Сите измени кои ги најави Microsoft, ќе почнат да им пристигнуваат на корисниците до крајот на ноември.