Започна ажурирањето на iOS 18 за поддржаните модели на iPhone.

„Возбудени сме што го претставивме iOS 18. Тоа е големо ажурирање со големи функции, вклучувајќи нови нивоа на персонализација, редизајнирана апликација Photos и голем број корисни нови функции за корисниците“, велат од Apple. iOS 18 ќе биде најзначајниот досега.

iOS 18 носи голем број нови функции кои ја подобруваат персонализацијата, приватноста и корисничкото искуство. Најважната надградба е Apple Intelligence. Има и редизајниран Control Center со приспособливи контроли, поголема заштита на апликациите со опции за заклучување и сокривање и нови алатки за уредување пораки, вклучително и ефекти. Фотографиите се организирани во колекции, а Game Mode ги оптимизира перформансите на игрите на уредите.

Еве ги најинтересните новости кои доаѓаат на iPhone:

Apple Intelligence

Новата функција ќе биде достапна на сите модели на iPhone 16, како и на iPhone 15 Pro и iPhone 15 Pro Max. Користи лични податоци за да понуди корисни и релевантни информации.

Нови алатки за пишување и јазични способности

Тие помагаат во пишувањето, сумирањето на подолги текстови и организирањето информации

Приспособување на почетниот екран

Можност за реорганизирање на апликации и виџети и персонализирање на изгледот на почетниот екран.

Нов изглед на иконите на апликациите

Потемен изглед со можност за нијансирање на иконите со која било боја или автоматски избирање боја што ја надополнува вашата позадина. Исто така, корисниците ќе можат да го зголемат приказот на апликациите и виџетите.

Заклучени и скриени апликации

Два нови начини за заштита на чувствителните апликации и информациите во нив кога другите го користат вашиот уред.

Редизајниран Контролен центар

Нови контролни групи до кои ќе можете да пристапите со едно движење, со можност за прилагодување на распоредот, големината и групирањето.

Фотографии

Најголемиот редизајн досега, со албуми автоматски организирани по теми како луѓе, миленичиња, патувања и друго. Можност за приспособување и фиксирање на омилените колекции за побрз пристап.

Пораки

Нови начини за користење пораки со анимирани ефекти, можност за користење на кое било емоџи или налепница за испраќање реакции, закажување пораки и поддршка за RCS пораки за побогата медиумска содржина и потврди за испорака.

Mail

Подобрена категоризација на пораките за да ви помогне да се фокусирате на најважните, како што се пораките од пријателите, семејството или колегите.

Safari

Воведување на функцијата Highlights што автоматски ги истакнува релевантните информации на страницата и редизајниран Reader со табела на содржини и резимеа на написите.

Апликација Passwords

Сите ваши pass-ови на едно место, безбедно зачувани и синхронизирани на сите ваши уреди, вклучувајќи ги iPhone, iPad, Mac, Apple Vision Pro и Windows.

Game Mode

Ги максимизира перформансите на игрите со намалување на активноста во заднина, обезбедувајќи голема брзина за континуирано играње. Ја намалува латенцијата на звукот со AirPods и ја зголемува респонзивноста на безжичните контролери.

Wallet

Воведување на Tap to Cash за приватни плаќања помеѓу iPhone-и, можност за плаќање со награди или рати преку Apple Pay и редизајнирани билети за настани со корисни информации за локацијата и препораки од апликациите на Apple.

Белешки

Аудио транскрипција во белешки, можност за пресметување во белешки, делови за подобро управување со содржината и истакнување текст со бои.

Дневник

Апликација за дневник што ви овозможува да го следите вашето расположение, да пишувате цели и лесно да ги пребарувате и сортирате вашите записи. Достапни се и додатоци за почетниот или заклучен екран.

Кои уреди се компатибилни со оваа надградба?

  •    iPhone 16
  •     iPhone 16 Plus
  •     iPhone 16 Pro
  •     iPhone 16 Pro Max
  •     iPhone 15
  •     iPhone 15 Plus
  •     iPhone 15 Pro
  •     iPhone 15 Pro Max
  •     iPhone 14
  •     iPhone 14 Plus
  •     iPhone 14 Pro
  •     iPhone 14 Pro Max
  •     iPhone 13
  •     iPhone 13 mini
  •     iPhone 13 Pro
  •     iPhone 13 Pro Max
  •     iPhone 12
  •     iPhone 12 mini
  •     iPhone 12 Pro
  •     iPhone 12 Pro Max
  •     iPhone 11
  •     iPhone 11 Pro
  •     iPhone 11 Pro Max
  •     iPhone XS
  •     iPhone XS Max
  •     iPhone XR
  •     iPhone SE (од втората генерација)