Американската вселенска агенција НАСА формираше независен истражувачки тим кој од неодамна почна да истражува мистериозни неидентификувани летечки објекти.

Истражувањето ќе трае девет месеци и ќе ги постави основите за идните истражувања за природата на НЛО. Главната цел на групата е да препорача пат за анализа на податоците за потенцијалните НЛО, фокусирајќи се исклучиво на податоци кои не се под ознаката „доверливо“. По завршувањето на истражувањето, целосниот извештај ќе биде објавен на јавноста во средината на 2023 година.

„Разбирањето на податоците што ги имаме за НЛО е од клучно значење за да ни помогне да извлечеме научни заклучоци за тоа што се случува на нашето небо. Податоците се јазикот на научниците и го прават необјаснивото објаснето“, рече Томас Зурбухен, соработник администратор за Дирекцијата за научна мисија во седиштето на НАСА во Вашингтон.

Службеникот на НАСА задолжен за спроведување на истражувањето е Даниел Еванс.

„НАСА собра некои од водечките светски научници и експерти и тие ќе ни кажат како да ги фокусираме науката и податоците на НЛО“, рече Еванс.