TUXEDO Computers е една од компаниите кои објавуваат уреди со Linux платформата, а сега претстави нов лаптоп, за кој се тврди дека ќе пристигне со спецификации кои лесно ќе го разликуваат од останатите слични уреди.
TUXEDO Book BA15 лаптопот користи AMD Ryzen 5 3500U процесор, а компанијата го нарекува уредот „прв светски лаптоп со исклучиво AMD хардвер и преинсталиран Linux“. BA15 има 91.25Wh батерија, која нуди до 25 часа работа со едно полнење.
Лаптопот има интегрирана Radeon Vega 8 графичка картичка и до 32GB RAM. Основниот модел пристигнува со 250GB простор за складирање, а можно е да се доплати за до 2TB простор за складирање податоци.
Дисплејот од 15,6 инчи нуди Full HD резолуција и 300 нита осветлување. Тастатурата на лаптопот има TUX super-key со бело позадинско осветлување. Од портовите се присутни два USB 3.2 Type-A порта, еден USB 2.0 Type-A порт, HDMI, Ethernet, читач на картички и приклучок за слушалки.
TUXEDO Book BA15 лаптопот се испорачува со Ubuntu и TUXEDO_OS, додека Windows се нуди како опционален софтвер со можност за dual-boot конфигурација со два оперативни система.