Кина очекува да произведе повеќе од 100.000 хуманоидни роботи оваа година.
Ова го изјави Ган Сјаобин, заменик-директор на Одделот за наука и технологија при кинеското Министерство за индустрија и информатичка технологија.
Тој на прес-конференција по повод Светската конференција за вештачка интелигенција (WAIC) во Шангај изјави дека развојот на вештачката интелигенција и проширувањето на AI екосистемот го забрзуваат растот на индустрија за роботи во Кина и се еден од клучните двигатели на идниот технолошки развој на земјата.
Светската конференција за вештачка интелигенција (WAIC) ќе се одржи во Шангај од 17 до 20 јули 2026 година, заедно со состанок на високо ниво за глобално управување со вештачката интелигенција.
Организаторите објавија дека овогодинешниот собир ќе биде еден од најголемите глобални настани посветени на развојот и примената на вештачката интелигенција, со повеќе од 1.100 компании изложувачи, над 3.000 производи и решенија изложени и вкупна изложбена површина од повеќе од 100.000 квадратни метри.
Програмата ќе вклучува повеќе од 140 тематски форуми, со учество на над 1.400 меѓународни гости, според веб-страницата на организаторите.