Google повеќе нема да наплаќа за пристап до клучните функции на Gmail со вештачка интелигенција.
Google одлучи да ги направи клучните функции на вештачката интелигенција во Gmail достапни за сите корисници, без потреба од плаќање претплата. Алатките што претходно беа резервирани за премиум AI пакетите сега стануваат дел од стандардното искуство со Gmail.
Меѓу функциите што стануваат бесплатни е опцијата „Help me write“, која им помага на корисниците побрзо и полесно да пишуваат или преформираат е-маилови со помош на вештачка интелигенција. Само внесете краток опис на она што сакате да го кажете, а Gmail ќе генерира предлог за порака.
We launched Gmail on April Fool’s Day in 2004. 20+ years later, we’re bringing Gmail into the Gemini era.
AI Overviews, Suggested personalized replies, Proof read, AI Inbox with new streamlined views and suggested topics to catch-up on and loads more, read the full details…
— Sundar Pichai (@sundarpichai) January 8, 2026
Gmail добива и понапредни паметни предлози за одговор (Suggested Replies), кои се поконтекстуални и прилагодени на тонот на претходната комуникација, како и AI резимеа од долги преписки преку е-пошта, што ја олеснува навигацијата низ обемни разговори.
AI резимеата на разговорите (AI Overviews) ќе бидат прикажани на врвот кога има долг синџир на пораки, така што корисникот може брзо да разбере за што се работи без да ги чита сите одговори еден по еден.
Google нагласува дека овие функции се наменети да ја олеснат секојдневната комуникација и да заштедат време на корисниците, а во исто време им овозможуваат на корисниците рачно да го уредуваат секој автоматски генериран текст пред да го испратат.
Со овој потег, компанијата сака дополнително да ја популаризира употребата на генеративна вештачка интелигенција, правејќи ги напредните алатки достапни за широк спектар на корисници, без дополнителни трошоци.