Корисниците сè повеќе споделуваат интимни детали на јавниот feed на апликацијата Meta AI.
Meta конечно направи мал чекор кон решавање на прекумерното споделување лични информации на јавниот feed на својата апликација за вештачка интелигенција. Компанијата додаде кратко предупредување до копчето „post to feed“ во апликацијата Meta AI, советувајќи ги корисниците да избегнуваат споделување лични или чувствителни информации.
Промената првпат ја забележа Business Insider, кој ја нарече апликацијата едно од најдепресивните места на интернет поради огромниот обем на интимни, засрамувачки, па дури и лични информации што корисниците на Meta AI – очигледно несвесно – ги споделуваат јавно преку вградениот feed „discover“. Иако Meta AI не ја споделува историјата на разговорите на корисниците по дифолт, се чини дека многу корисници се одлучиле да ги споделат своите интеракции, не сфаќајќи дека со тоа ќе ги направат нивните гласовни и текстуални разговори видливи за сите.
Експертите за приватност ја критикуваа Meta, забележувајќи дека повеќето други популарни AI чет-ботови немаат социјален, јавно видлив feed.
„Ако очекувањата на корисниците за тоа како функционира алатката не се совпаѓаат со реалноста, имате сериозен проблем со корисничкото искуство и безбедноста“, изјави неодамна експертот за безбедност Рејчел Тобак, која соработувала со Meta во минатото.
„Луѓето изградија ментален модел за тоа како функционираат AI чет-ботовите и не очекуваат нивните објави да се појават во некаков вид на социјален „discover“ feed – така не функционираат другите алатки“.
Фондацијата Mozilla, исто така, ја повика Meta да го промени дизајнот на апликацијата. „Апликацијата Meta AI не го прави очигледно дека она што го споделувате станува целосно јавно“, се вели во соопштението. „Нема јасни икони, нема познати индикатори за споделување како во другите апликации на Meta“.
Сега, се чини дека компанијата конечно го забележала тоа. Со оваа промена, кога корисникот ќе одлучи јавно да сподели интеракција со Meta AI, се појавува предупредување кое гласи: „Записите што ги објавувате се јавни и видливи за сите. Вашите записи може да бидат предложени од Meta во други Meta апликации. Избегнувајте споделување лични или чувствителни информации.“
Сепак, ова предупредување се чини дека се појавува само на првата објава.
Како што објавува Business Insider, јавниот feed на апликацијата повеќе не прикажува размени на текстуални пораки што другите корисници ги споделиле со вештачката интелигенција, туку само AI генерирани слики и видеа. Не е јасно дали ова е трајна промена или реакција на неодамнешното негативно внимание што го доби апликацијата.
Во меѓувреме, ако несвесно сте објавиле содржина јавно на апликацијата Meta AI, можете да ја отстраните со кликнување на вашиот профил во горниот десен агол на апликацијата, потоа одење во Data & Privacy -> Manage your information -> Make all public prompts visible only to you и избирање на опцијата „apply to all“.