Apple планира да ги зголеми цените на iPhone, а за тоа постои официјална и неофицијална причина.
Американската технолошка компанија Apple планира да ги зголеми цените на своите iPhone телефони од следната генерација на есен и ќе се обиде да не го поврзе тоа со трговските тензии меѓу САД и Кина, туку ќе го припише зголемувањето на цените на новите карактеристики и дизајни, изјавија анонимни информирани извори за WSJ.
Царините, наметнати од администрацијата на Трамп, би можеле да ја чинат Apple околу 900 милиони долари само во третиот квартал од 2025 година, но компанијата сè уште официјално не признала дека високите царини би можеле да влијаат на цените на нејзините крајни производи.
САД и Кина се согласија на тримесечно „примирје“ во нивната трговска војна, за време на кое Вашингтон и Пекинг значително ќе ги намалат меѓусебните царини.
Американската администрација, исто така, објави голем број исклучоци од царини за технолошката индустрија, вклучувајќи паметни телефони и лаптопи, додека претходната царина од 20% за кинеските производи останува на сила, објавува Tech Crunch.
Apple ќе претстави ултратенок iPhone оваа година, додека за 2027 година, според извори на Bloomberg, планира посебен закривен, целосно стаклен уред без никакви отвори или исечоци на екранот.
На овој начин, Apple ќе одбележи 20 години од лансирањето на продажбата на првиот iPhone и ќе го продолжи циклусот на големи промени во дизајнот, започнат со годишнината во 2017 година и моделот iPhone X.