Познатиот дојавувач Сони Диксон сподели фотографија на која тврди дека го прикажува првиот поглед на маската за Apple iPhone 17 Air.
Диксон наведува дека многумина, доколку не знаеле дека е модел на Air, би помислиле дека тоа е маска за Google Pixel.
Фотографијата покажува дека iPhone 17 Air најверојатно ќе има нов распоред на камерата со хоризонтална лента што ќе се протега по целата ширина на задниот дел, потсетувајќи на дизајнот на уредите Google Pixel.
Се очекува таа лента да има една камера на левата страна и блиц на десната страна.
Here’s your first look at a case for the iPhone 17 Air. If you didn’t know an Air was coming, you’d swear it was a Google Pixel case. pic.twitter.com/Qx4Smzh5Zo
— Sonny Dickson (@SonnyDickson) March 19, 2025
Рендерите покажуваат дека iPhone 17 Air ќе има елегантен и минималистички дизајн со ултра тенок профил од само 5,5 mm.
Иако изгледот ќе биде едноставен, уредот ќе има MagSafe, копче за акција и копче за контрола на камерата, што е потврдено со исечоците на рамката.
iPhone 17 Air ќе има 6,6-инчен дисплеј со технологија ProMotion од 120 Hz, Dynamic Island, чип A19 и модем Apple C1. Како и обично, Apple ќе ја претстави новата линија во средината на септември.