Најмоќниот телефон на Samsung ќе биде првиот во светот со нов тип на заштита од кршење.
Samsung ќе го претстави својот најмоќен телефон досега, моделот Galaxy S25 Ultra, кој, очигледно, ќе биде единствениот на пазарот со Corning Gorilla Glass Armor 2 заштита.
Samsung Galaxy S24 Ultra моментално е единствениот телефон со Corning Gorilla Glass Armor. Покрај напредната заштита од кршење и гребнатини, тоа Gorilla Glass може да се пофали и со антирефлективна обвивка, што значи дека S24 Ultra има најнизок сјај на екранот од кој било паметен телефон.
The Galaxy S25 Ultra will exclusively use the more powerful second-generation Corning Gorilla Armor Glass with anti-reflective properties.
— ICE UNIVERSE (@UniverseIce) December 27, 2024
Според информациите објавени на X од типстерот Ice Universe, Galaxy S25 Ultra, чија презентација се очекува на 22 јануари, исклучиво ќе ја користи втората генерација на Gorilla Glass Armor, која ќе има уште подобри антирефлексивни карактеристики и поголема издржливост.
Патем, Ice Universe неодамна објави дека Galaxy S25 Ultra ќе биде телефонот со најмали рамки околу екранот на пазарот. И покрај тоа што телефонот нема да добие значителни визуелни промени, токму таквите тенки рабови околу екранот би можеле дополнително да го разликуваат од неговиот претходник.