HTC по периодот на затишје, минатиот месец ги претстави U20 5G и Desire 20 Pro моделите на телефони. Тајванската компанија сега се подготвува за објава на уште еден достапен модел во рамките на својата Wildfire линија.
HTC Wildfire E2 е откриен во Google Play Console листинг, кој открива дека теелфонот ќе има 6,2-инчен HD+ екран со засек, MediaTek Helio P22 чипсет, 4GB RAM и 64GB простор за складирање податоци.
Покрај наведеното, Wildfire E2 на задната страна ќе има сензор за отпечатоци од прсти, а ќе го покренува Android 10. Тука е и фотографијата која ја прикажува предната страна на смартфонот.