YouTube имплементира нова политика на користење на услугата, која застанува на страната на повредените корисници.
Минатиот месец, YouTube тивко додаде нова политика за користење на услугата, која им овозможува на корисниците да побараат отстранување на содржината генерирана од вештачка интелигенција која користи нивна сличност и информации.
Новата политика за приватност нуди опција за означување видеа „кои користеле вештачка интелигенција за менување или создавање синтетичка содржина што изгледа или звучи како вас“, се вели во објаснувањето.
Компанијата вели дека постојат неколку фактори кои одредуваат дали ќе се земе предвид отстранувањето на содржината. Тие вклучуваат дали содржината е уредена или синтетичка, дали личноста во видеото е лесно препознатлива и дали содржината е реална.
Ќе се утврди и дали содржината на видеото може да се окарактеризира како пародија или сатира, дали вклучува јавна личност или друга позната личност и каква активност е поврзана со него (криминал, насилство или промоција на производ или политички кандидат).
YouTube му дава 48 часа на создавачот на видео содржини, кој ги прекршува новите правила за приватност, да одговори на жалбите на корисниците. Доколку содржината биде отстранета во тој рок, случајот е затворен, ако не, YouTube ќе ја испита ситуацијата.