Според неименувани извори, Samsung се одлучил за стратегија со еден чип за своите претстојни телефони што се виткаат/склопуваат.

Како што споменавме, телефоните Galaxy Z Fold6 и Z Flip6 ќе користат чипови Snapdragon 8 Gen 3, наместо да ги комбинираат тековните Snapdragon и Exynos 2400.

Извештајот ги побива претходните тврдења дека Samsung се одлучил за стратегија со двојни чипсети на своите телефони што се преклопуваат.

Изворите посочуваат дека оваа одлука на јужнокорејската компанија не потекнува од загриженоста на Samsung за перформансите, туку има врска со профитабилноста на производството и продажбата.

Развивањето уреди кои би користеле две различни платформи (во овој случај Exynos 2400 и Snapdragon 8 Gen 3) бара повеќе ресурси и за развој и за поддршка по продажбата. Samsung, според извештајот, процени дека не вреди да се користи тактиката со два чипа.

Секако, Samsung очекува одлична продажба на моделите Galaxy Z Flip6 и Z Fold6, а имајќи предвид дека сериите Z Flip и Z Fold секоја година привлекуваат сè поголем број корисници.

Се појавија и нови рендери, кои ги прикажуваат дизајните на Galaxy Z Flip6 и Z Fold6.