Huawei уште во 2020 година најави дека ќе изгради фабрика во Франција, каде што ќе произведува опрема за мобилна мрежа.
Веќе три години кинеската компанија не спомнува ништо за ова, поради што многумина мислеа дека плановите се откажани. Сепак, се чини дека тоа не е случај.
Повикувајќи се на извори запознаени со ова прашање, во новиот извештај Ројтерс наведува дека Huawei ќе започне со изградба на нова фабрика оваа година, во место во близина на Стразбур. Како што се додава, изградбата била одложена поради пандемијата на коронавирус.
Засега нема информации кога ќе биде завршена фабриката. Извор од француската влада изјави за Ројтерс дека фабриката треба да се отвори во 2025 година, но очигледно и тој рок ќе биде одложен.
Кога Huawei првпат ги откри плановите за фабриката, компанијата рече дека ќе инвестира 200 милиони евра во градежништвото и ќе вработи 300 луѓе првично и до 500 подоцна.