Компанијата AMD ја претстави линијата Threadripper 7000 процесори, кои се наменети да обезбедат врвни перформанси во обработката на податоците.
Advanced Micro Devices (AMD) сега има уште еден светски рекордер во својата палета на процесори.
Тоа е новиот Threadripper Pro 7995WX процесор, кој го постигна светскиот рекорд за оверклокување во Cinebench R23.
Тимот на Elmor Labs е сопственик на нов светски рекорд, кој покрај рекордот Cinebench R23 беше постигнат и во Cinebench 2024 бенчмарк.
Рекордот на Cinebench R23 сега изнесува 201.501 поен, а според очевидци, тој е постигнат неочекувано брзо. Секако, при оверклокување, неизбежниот течен азот се користеше за ладење, со цел да се покаже целосниот потенцијал на чипот.
Threadripper Pro 7995WX е создаден во процесот на производство од 5 nm и нуди максимален буст работен такт од 5,10 GHz. Стандардниот TDP е 350W и секако чипот е отклучен за оверклокување. Процесорот има 96 јадра.