САД, ЕУ, Кина и Велика Британија се согласија со текстот на првата меѓународна декларација за вештачка интелигенција (AI), во која се наведува дека оваа нова технологија претставува потенцијално „катастрофален“ ризик за човештвото.
На конференцијата во Велика Британија, 28 земји ја потпишаа таканаречената Блечлиева декларација, именувана по местото на состаноци на официјални лица, пишува Гардијан.
„Постои потенцијал за сериозна, дури и катастрофална штета, без разлика дали е намерна или ненамерна, што произлегува од најзначајните способности на овие модели на вештачка интелигенција“, се наведува во текстот на овој документ.
Декларацијата не се согласува со формирање на меѓународен центар за тестирање на вештачка интелигенција во Велика Британија, како што се надеваа некои од британската влада, но обезбедува модел за меѓународна соработка во иднина.
Текстот ја нагласува итноста за „продлабочување на разбирањето на потенцијалните ризици од вештачката интелигенција“ со оглед на растот на инвестициите во оваа технологија.
Премиерот на Велика Британија Риши Сунак ја поздрави оваа декларација и рече дека најголемите светски сили во развојот на вештачката интелигенција се согласуваат за можните ризици од вештачката интелигенција.